» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1967

Stanisław HOZJUSZ (HOSIUS) to Ioannes DANTISCUS
Cracow (Kraków), 1538-11-04
            received [1538]-11-15

Manuscript sources:
1fair copy in Latin, autograph, AAWO, AB, D. 19, No. 13

Prints:
1HE 1 No. 43, p. 64-65 (in extenso; Latin register)

 

Text & apparatus & commentaryPlain textText & commentaryText & apparatus

 

AAWO, AB, D. 19, No.13_3

Reverendissimo in Christo Patri et Domino, domino Ioanni Dei gratia episcopo Varmiensi, domino colendissimo

AAWO, AB, D. 19, No.13_1

Reverendissime in Christo Pater et Domine, domine colendissime.

Officiosissimam servitutis meae commendationem.

Multum debeo Reverendissimae Dominationi Vestrae, cuius auctoritate adductus est tandem dominus Alexander, ut a pacis consiliis non abhorreret. Quam nullo negotio conficiet, modo serio agat, quod pr text damaged⌈[r]r text damaged⌉omisit. Mitto mandatum ad renuntiandum condemnatione<m> expensarum, si forte in eis condemnabitur, in eventum absolutionis meae ab instantia iudicii. A Vestra Reverendissima Dominatione maiorem in modum peto, ut diligenter provideat, si qua cessio futura est, ut ita fiat, nihil ut mihi postea negotii existere queat. Visum autem mihi est esse tutius, ut non solum coram Reverendissima Dominatione Vestra, verum etiam in urbe fiat cessio, itaque mandatum ad eam mihi mitti postulo atque procuratores ad cedendum constitui reverendum dominum Andream Czarnckowscki, canonicum Gnesnensem, sanctissimi domini nostri camerarium ac s(erenissimae) or s(acrae)⌈s(erenissimae)s(erenissimae) or s(acrae)⌉ regiae maiestatis apud eundem nuntium, et venerabilem dominum Ioannem Vitinscki, canonicum Plocensem, cum potestate substituendi. Quaeso Reverendissimam Dominationem Vestram, ut id mandatum a domino Alexandro extorqueat. Ego pro tanta gratia in me AAWO, AB, D. 19, No.13_3 Reverendissimae Dominationis Vestrae volo semper illi esse devinctissimus hidden by binding⌈[s]s hidden by binding⌉. Atque ea omnia ut sibi de me persuadeat, rogo, quae de servitore suo sibi addictissimo. Non fallam opinionem hanc de me Vestrae Reverendissimae Dominationis.

Cuius me gratiae, quam possum, diligentissime commendo Deumque precor, ut eam quam diutissime velit esse incolumem atque omni felicitatis genere.

Cracovia, pridie Nonas hidden by binding⌈[s]s hidden by binding⌉ Novembres 1538.

Reverendissimae Dominationis Vestrae servitor deditissimus Stanislaus Hosius