Ewer Herrlichkeit ⌊⌋ und fleis in meiner sachnn gehabt ist mir gestriges tags durch dissen jungen worden, / des ich mich genn Ewer Herrlichkeit hochlich thue bedancken. / Weil ouch , / so sichs von Gote wirt schicken, / solcher treu und mhue von meinenn wegen vorgewendt in kein vorgessen bey mir stellenn / und mit dankparheit nummer aus meinenn gedenken lossnn komenn etc. / In dissnn hendlen was weiter vorzunemenn, / dieweil mein liber ⌊geistlicher her und vater⌋ noch bisher nichts statlichs mit den personen, die darzugehoren, vorgenomenn, / bedunckt mich noch nicht zceit zu sein. / Wan es derzukompt, / wil ich mich in allem, / wie meinemm stande geburt / und wie gutte hern und frunde werden welln, / recht haltnn. / Es ist aber zuvor von noten, solchs alles mit dem ⌊hern vonn Heilsberg⌋ zu bereden und zuentslissen, / der mich zu sich, / wie wir sein lieb ⌊⌋, / wan die sache angestalt wurt sein / und in ein gank komen sol, / furdren wirt, / des mues ich so war... und lossenn, die weil so alle dinge berwen. / Was Goth wil geschehen lossen, / wirt sich alles selbst finden / etc. Der schiffe halbn aus ⌊Holland⌋ bin ich nicht wenig svermuttig. Unser her der fuegs zum bestnn. / So balde ich mich mit dem ⌊hern von ⌊Heilsberg⌋⌋ werd gesehen haben, / wil ich e[uch], / die ich Gothe etc. wie umb alles berichten.
